Er þetta betra fyrir umhverfið?

Ég er frekar hugsandi þessa stundina, því þegar ég skoða þessar sparperur finnst mér þær efnismeiri en gömlu glóðarperurnar. Það er því spurning hvort ekki sé verið að spara orku en auka mengun vegna þeirra efna sem notuð eru til að búa til perur. Spyr sá sem ekki veit.

Sparperur lýsa víða leiðina

Athugasemdir

[Jón Erlingur Jónsson (IP-tala skráð) 12.12.2008 kl. 09:52]

Sparperur endast 10 sinnum lengur svo bera þarf saman efnisnotkun í 10 glóperur á móti einni sparperu.

Helsti gallinn við sparperuna er að hún inniheldur kvikasilfur sem glóperurnar gera ekki. Þar sem rafmagn er framleitt með kolum verður kvikasilfurmengun af raforkuframleiðslunni. Sparperan vegur upp þennan ókost með því að nota minna rafmagn. Með því að skila perunni í endurvinnslu þegar hún hefur lokið hlutverki sínu er síðan alveg komið í veg fyrir kvikalilfurmengun.

[Sigurður Sigurðarson, 12.12.2008 kl. 10:33]

Þú notar um 10 hefðbundnar ljósaperur á meðan þú notar eina sparperu. Sparperan eyðir um 1/5 af þeirri orku sem glópera notar.  Vissulega eru þessar tölur ekki algildar fyrir allar uppsetningar og þar sem oft er kveikt og slökt henta glóperur/halogenperur betur.  En 60 W glóperanotar um 55 W til hitamyndunar aðeins um 5W fara í að framleiða ljós. Þú finnur betri upplýsingar hjá peruframleiðendum og á Wikipedia.  Í dag er mengun af framleiðslu sparpera hverfandi.

[Gullvagninn (IP-tala skráð) 12.12.2008 kl. 19:11]

brotinn sparpera á heimili er efnaslys - lítið talað um það, ég vil ekki sjá þessar eiturbombur

[Friðþjófur Þorsteinsson (IP-tala skráð) 15.12.2008 kl. 23:16]

Svo má ekki gleyma þeirri staðreynd að á móti hverri einni sparperu sem flutt er inn eru fluttar tíu glóðarperur - svo það er minni mengun af völdum flutninga á sparperum. Hinsvegar er kvikasilfursmengunin staðreynd - en það á líka við um hefðbundnar flúrperur í skólastofum og á vinnustöðum. Rétt meðhöndlun tryggir öryggi - rétt eins og með hnífa, eldspýtur o.s.frv. Hinsvegar er sá gállinn á þessu að ekki er hægt að dimma þær með einföldum hætti - svo rómantíska stemningin heima í stofu gæti breyst úr hálfbjörtum ljósum yfir í slökkt ljós og fleiri kerti. Spurning um eldhættu og koltvíoxíðsmengun. Maður spyr sig! ;)